2019 жылдың 3 қазан күні сағат 18.00-де өнердің қара шаңырағы Ғ.Құрманғалиев атындағы облыстық филармониясында әр жанрдағы шығармашылық ұжымдар мен артистерінің бір уақытта кең ауқымды өнер кеші өтті. Кеште филармония түрлі залында бір уақытта «Назерке» халық биі ансамблі, «Орал сазы» фольклорлық ансамблі мен дәстүрлі әншілер, Дәулеткерей атындағы қазақ халық аспаптар оркестрі, «Ән қанатында» вокалды аспаптар ансамблі мен эстрада әншілері, «Классика» камералық ансамблі мен классикалық әншілер өнер көрсетті. Маусымның ашылуына орай ұйымдастырылған бұл жоба өнер сүйер көрерменге ерекше әсер қалдырды. Жаңа бағытта ұйымдастырылған кешке келушілер ерекше ықыластарын білдіріп, алғыстарын айтып тарасты. Әсерлі өнер жәрмеңкесі әр маусымда жалғасын таппақ.