Ұлттық музыка мәдениетінің мақтанышы – Құрманғазы атындағы Қазақ мемлекеттік академиялық халық аспаптар оркестрінің құрылғанына 85-жылдық мерейтойы аясында 8 мамыр күні сағат 19.00-де жастар мәдениет үйінде «Ұлы дала әуендері» атты концерті өтті.
Концерттік бағдарламада қазақтың Құрманғазы, Даулеткерей, Түркеш, Ахмет Жұбанов, Нұрғиса Тілендиев сынды ұлы тұлғаларының шығармалары, Евгений Брусиловский, Петр Чайковский, Василий Соловьев – Седой, Джоаккино Россини, Антонио Вивальди, Леонард Бернстайн, Луиджи Ардити, Раймонд Паульс, Муслим Магомаев сынды шетел композиторларының туындылары, сонымен қатар, қазіргі заманғы композиторлар – қазақтың белгілі сазгерлері Ілия Жақанов, Ескендір Хасанғалиев, Төлеген Мұхамеджанов және дәулескер күйші Тұяқберді Шәмеловтің шығармалары орындалды.
Ұлттық өнер ұлықталған кеште –қазақ өнерінің қайраткерлері Мирас пен Құралай, халықаралық байқаулардың лауреаттары Сатжан Шаменов, Әсел Рахымжан және Асхат Үрпеков өнер көрсетті.
Концерттік бағдарламада Батыс Қазақстан облысы әкімінің орынбасары Ғ.Оспанқұлов сөз сөйлеп, облыс әкімі атынан алғыс хат табыс етті.