Бүгін 30 қараша Атырау облысы әкімдігінің өңірлік коммуникация алаңында ҚР еңбек сіңірген қайраткері, «Парасат» ордені иегері, дәстүрлі әнші, жыршы-термеші Хатимолла Бердіғалиевтің 70 жылдық мерейтойына орай «Шырқал ән, төгіл дауыс» атты республикалық турнесі аясында брифинг өткізіліп, өңір журналисттерінің сұрақтарына жауап берілді. Брифингке Ғарифолла Құрманғалиевтің төл шәкірті, ҚР еңбек сіңірген артисі, дәстүрлі әнші Сәуле Таудаева, «Ерен еңбегі үшін» медалінің иегері, әнші Күләш Қуанышқалиева,  Ғарифолла Құрманғалиев атындағы облыстық филармониясы ақпарат бөлімінің басшысы Олжас Сейтимов қатысты. Кездесуде турне аясында өткен  концерттер,  ертеңгі ұйымдастырылатын ән кеші мен дәстүрлі өнердің насихатталуы жөнінде ой қозғалды.