26 қараша күні  Ғарифолла Құрманғалиев атындағы облыстық филармониясының ұйымдастыруымен Атамекен өнер ордасында «Folk show»  атты Дәулеткерей атындағы қазақ халық аспаптары оркестрінің жаңа форматтағы концерті өтті.
Оркестрдің дирижері ҚР мәдениет саласының үздігі, Әділет Азбаевтың жетекшілігімен қазақ композиторларының шығармаларымен қоса  әлемдік кинотуындылардың саундтректері халықтың назарына ұсынылды.
Әлемдік деңгейдегі телесериалдардың көш басында тұрған «Игра престолов», «Шерлок Холмс» саундтректері қазақы нақышта домбыра, қылқобыз, асатаяқ сынды төл аспаптарымыздың сүйемелдеуімен нақышына келтірілді. «Қасқыр», «Орақ батыр»  композициялары орындалғанда көрермендердің ерекше толқынысы мен шаттығына байқалды. Оркестр мүшелерінің  аспаптарда ойнау қабілеттілігімен қатар артистік образдарын да аша түсті. Дирижер мен оркестрдің бірін бірі түсінуі, халықтың әр композицияны шын жүректен қабылдап,  «Браво»  деп қол соғуы керемет кештің өтуінің айқын бейнесі. Көңілі кең көрермен қасқырлардың ұлыған үнін аса шеберлікпен қылқобызда орындаған дирижер Әділет Азбаевқа, республикалық конкурстардың лауреаттары Мерген Хасанов, Ақсамал Қанатқалиеваға ықыласын білдірсе,  әлемдік деңгейдегі LISTEN TO YOU HEART әнін орындаған «Жас қанат» байқауы «Алтын қанат» номинациясының иегері жерлесіміз Дәуренбек Мерғалиев,
«Ерен еңбегі үшін»  медалінің  иегері  Айбар Хайрханов  , халықаралық конкурстардың лауреаттары Айбек Тұрарбеков, Алтынбек Оразовтың өнеріне  халық ерекше тәнті болды. Бір деммен өткен концерт өнерпаздарға да,  көрермендерге де көтеріңкі көңіл күй сыйлады.Осындай  керемет ?кештің тізгінін ұстаған облысымыздың ең үздік жүргізушісі Данияр Исқалиев.