2 сәуір күні Ақжайық аудандық мәдениет үйінде «Ерен еңбегі үшін» медалінің иегері Еркін Өтегеновтың «Ән-арман» атты концерті өтті.
Концертте кеш қонағы Қазақ эстрадасының жұлдызы, Қазақстанның Құрметті азаматы, әнші Индира Расылхан және Қазақстанның еңбек сіңірген қайраткері Жаңылсын Хасанова, Ақжайықтың ақыны Айнабек Бисенғалиев, Дәулеткерей атындағы қазақ халық аспаптар оркестрі, «Назерке» халық биі ансамблі өнер көрсетіп, көптен күткен көрерменнің сағынышын басып, аудан тұрғындарына көтеріңкі көңіл күй сыйлады.
Шара соңында Ақжайық ауданының әкімі Қалияр Шәдірұлы Айтмұхамбетов кеш иесі Еркін Бекмұратұлына Алғыс хат, естелік сыйлық және аудан жұртшылығы атынан бағалы сыйлық табыс етілді.
