2019 жылдың 14 ақпан күні сағат 18.00-де Х.Бөкеева атындағы қазақ драма театрында «Назерке» халық биі ансамблінің бас балетмейстері Ақмарал Әміржанқызының «Жұмбақ әлемім-би өнері» атты шығармашылық концерті өтті.

Кеште қонақ ретінде қатысып, «Назерке» халық би ансамблі, халықтық «Ақжайық» би ансамблі, «Арна», «Салтанат», «Шұғыла» би ансамблдері, «ККК» би тобы өнерлерін көрерменге тарту етті.

Кеш соңында өнер иесі Ақмарал Тасболатоваға облыстық мәдениет басқармасының басшысы Мұсағалиев Қадырболат Қабдырұлы Алғыс xат табыстады және «Назерке» халық биі ансамбілінің негізін қалаған балетмейстер, Қазақ ұлттық академиясының «Хореография педагогикасы» кафедрасының профессоры, педагогика ғылымының докторы Кульбекова Айгүл Кеңесқызы сөз сөйлеп, БҚО салалық кәсіподақ филиалының төрағасы Батырxанов Айдар Тапашұлы атынан құттықтау xат табысталды.