Бүгін Ғарифолла Құрманғалиев атындағы облыстық филармониясында ел тәуелсіздігінің 30 жылдығы,  филармонияның 55 жылдық мерейтойы аясында Орал қалалық жастармен жұмыс жөніндегі ресурстық орталығының қолдауымен "Білімділер додасы" жобасы өтті.  Бұл жоба филармониямыздағы өнер ұжымдарының білім және біліктілігін байқау,  ұжымда ауызбіршілікті нығайту  мақсатында ұйымдастырылды. Білім мен интеллектуалдық қабілет сыналатын додаға "Дәулеткерей" атындағы қазақ халық аспаптары оркестрі, "Орал сазы" фольклорлық ансамблі, "Назерке" халық биі ансамблі, дәстүрлі әншілер, классикалық бағыттағы әншілер,  эстрадалық бағыттағы әншілер және әкімшілік командалары қатысты.  Қызу да тартысты ойынның нәтижесінде "Дәулеткерей" атындағы қазақ халық аспаптары құрамасы үздік деп танылса, "Үздік ойыншы" аталымы бойынша "Орал сазы" фольклорлық ансамблі капитаны Фархат Оразов марапатталды. Филармония ұжымы атынан  Орал қалалық жастар ресурстық орталығына алғысымызды білдіреміз.

https://www.instagram.com/p/CQrHOIOLjUo/?utm_medium=share_sheet