Ғарифолла Құрманғалиев атындағы облыстық филармониясының ұйымдастыруымен әйгілі күйші-композитор, дирижер, Халық қаһарманы, Қазақ КСР және КСРО халық әртісі Нұрғиса Тілендиевтің 95 жылдығы және қазақ вальсінің королі, композитор, Қазақстанның халық әртісі Шәмші Қалдаяқовтың 90 жылдығына арналған «Орал сазы» фольклорлық ансамблінің «Әуелей бер, Нұрғиса, Шәмші саздары» атты онлайн концерті өтті. Сазды кеште «Орал сазы» фольклорлық ансамблі жетекшісі Асқар Кенжеғалиев композиторлардың қаймағы бұзылмаған ұлттық өнердің шыңы - қазақтың ән-күйлерін нақышына келтіре орындады. Ансамбль артистері ҚР «Мәдениет саласының үздігі» Майра Хайдарова, «Ерен еңбегі үшін» медалінің иегері Күлаш Қуанышқалиева, Республикалық және Халықаралық жыршы–термешілер, байқауларының лауреаты Фархат Оразов жеке орындауда әндерді тамылжыта шырқаса, «Назерке» халық биі ансамблі бимен көркемдеді. Онлайн концерт Ғарифолла Құрманғалиев атындағы облыстық филармониясы фэйсбук парақшасы арқылы тікелей эфирден көрсетілді, парақшада1000-нан аса қаралым болды.