Ғ.Құрманғалиев атындағы облыстық филармониясының ұйымдастыруымен ағымдағы жылдың 2 қазан күні сағат 19.00-де филармонияның кіші залында Ұлы Абайдың 175 жыл толуына арналған филармония артисі, ҚР-ның еңбек сіңірген қайраткері, «Парасат» орденінің иегері Хатимолла Бердіғалиевтің «Өлеңді қайтіп қоярсың» атты онлайн ән кеші өтті. Кеште Хатимолла Бердіғалиев Дәулеткерей атындағы халық аспаптары оркестрінің сүйемелдеуімен Абайдың ел арасында кеңінен танымал әндерін тамылжыта орындаса, Абай операларын халық назарына ұсынды. Оркестрдің көркемдік жетекшісі және бас дирижері«Құрмет» орденінің иегері, мемлекеттік «Дарын» жастар сыйлығының лауреаты, ҚР «Мәдениет саласының үздігі» Еркін Нұрымбетов, оркестр дирижері Мемлекеттік «Дарын» жастар сыйлығының лауреаты Жарас Сатыбалдиев. Сондай-ақ, концертте ҚР мәдениет қайраткері Жамиля Нұрымбетова, «Ерен еңбегі үшін» медалінің иегері Айбар Хайырханов, концермейстер Галина Андреева өнер көрсетті.