Батыс Қазақстан облысы мәдениет, тілдерді дамыту және архив ісі басқармасының қолдауымен Ғ.Құрманғалиев атындағы облыстық филармонияның ұйымдастыруымен 2022 жылдың 9-желтоқсан  күні Х.Бөкеева атындағы қазақ драма театрында «Құрмет» орденінің иегері, күйші Ермек Қазиевтің 75 жас мерейтойына орай "Дәулескер күйші" атты шығармашылық кеші өтті.

Шығармашылық кеште Ермек Еселұлының өмірбаянына арналған деректі фильм көрсетіліп, өнер қайраткерінің орындауында күймен ашылды. Бұл кеште  Дәулеткерей атындағы қазақ халық аспаптары оркестрі, оркестрдің бас дирижері, көркемдік жетекшісі, «Құрмет» орденінің иегері Еркін Нұрымбетов,  ҚР еңбек сіңірген артистері Қанатқали Қожақов, Сәуле Таудаева, ҚР еңбек сіңірген қайраткері Мұрат Әмірханов, «Парасат» орденінің иегері Хатимолла Бердіғалиев, «Ерен еңбегі үшін» медалінің иегері Айбар Хайырханов қазақ халық аспаптары оркестрінің сүйемелдеуімен ән шырқап, өнер көрсетті. Шарада БҚО әкімі орынбасары Бақытжан Хаберұлы Нарымбетов құттықтау сөз сөйлеп, өнер қайраткеріне шынайы ықыласын жеткізді. Кеш барысында Асылдың жалғасы  Ермек Еселұлы Қазиевтің ұлы ҚР мәдениет саласының үздігі Асылхан Қазиев Дәулеткерей атындағы қазақ халық  аспаптары оркестріне дирижерлік етті.

Сондай ақ, бұл кешке арнайы  Бөкейорда,  Жаңақала аудандары әкімдігінің өкілдері, ақын Закәрия Сисенғали, ақын Ғайсағали Сейтақ,  БҚО ардагерлер кеңесінің төрағасы Мақсот Берген және Бөкей ордалықтардың атынан келген Лавр  Хайретдинов өнер иесін құттықтап сый-сыяпаттарын  табыс етті.