Бүгін 30 қараша  Ғарифолла Құрманғалиев атындағы облыстық филармониясында “Ұлттық сананы жаңғырту” жобасы аясында облыстық мәдениет, тілдерді дамыту және архив ісі басқармасы, сәулет-құрылыс басқармасы, кәсіпкерлік және иновациялық-индустриялық даму басқармасы мамандары “Ерен” еңбегі үшін медалінің иегері, филармонияның дәстүрлі әншісі Дастан Есентеміровпен кездесті. “Ғасырлар сазы” жобасының форматында өткен кездесу кешін дәстүрлі әнші, жыршы, термеші Фархат Оразов жүргізді. Кеш барысында дәстүрлі өнер жайында әңгімелер айтылып, көрермен тарапынан қойылған сұрақтарға жауап алынып, дәстүрлі әндер шырқалды. Мемлекеттік қызметкерлердің ұлттық өнерге деген құрметтері ерекше екені байқалды. Ұлттық санамызды жаңғыртып, ұлттық өнерге құрмет білдіру баршамыздың парызымыз.